महामार्गावरील अपघातात दुचाकीस्वाराचा मृत्यू

महामार्गावरील अपघातात दुचाकीस्वाराचा मृत्यू
मनोर, ता. २६ (बातमीदार) : मुंबई-अहमदाबाद महामार्गावर शनिवारी (ता. २६) दुपारी अडीच वाजण्याच्या सुमारास नादुरुस्त अवस्थेत उभ्या असलेल्या टेम्पोला दुचाकीस्वाराने धडक दिली. या अपघातात दुचाकीस्वार पिंट्या रामकिसन मढवी (वय २२) या तरुणाचा मृत्यू झाला. तो हालोली गावाच्या गावठाण पाड्याचा रहिवासी होता.
दुर्वेस ग्रामपंचायत हद्दीतील साये गावच्या बसस्टॉप समोर महामार्गाच्या गुजरात वाहिनीच्या तिसऱ्या मार्गिकेवर नादुरुस्त अवस्थेत उभ्या असलेल्या टेम्पोला भरधाव दुचाकीस्वाराने धडक दिल्याने अपघात झाला. दरम्‍यान, टेम्पोचालकाने महामार्गावर धोकादायक स्थितीत टेम्पो उभा करून ठेवल्याने अपघात झाला. दरम्यान, अपघातानंतर टेम्पोचालक जखमी दुचाकीस्वारास उपचाराकरिता न नेता पळून गेला. याप्रकरणी ट्रकचालकाविरोधात गुन्हा दाखल करण्यात आला आहे.