लोकांना लुटण्याचे क्लासेस उबाठाने सुरू केले

लोकांना लुटण्याचे
‘उबाठा’चे क्लासेस!
सकाळ वृत्तसेवा
ठाणे, ता. २६ : अडीच वर्षांच्या काळात खिचडी, रेमडेसिविर चोरण्याची कामे उबाठाने केली. कोविडसाठी उभारलेल्या कॅम्पमध्येही पैसे खाल्ले. लोकांना कसे लुटायचे याचे क्लासेस उबाठा सुरू केले आहेत, असा टोला भाजपचे आमदार राम कदम यांनी शनिवारी लगावला.
ठाण्यात आनंद आश्रम येथे शनिवारी (ता. २६) सायंकाळी भेट दिली, त्या वेळी त्यांनी माध्यमांशी संवाद साधला. लाडक्या बहिणींचा लाभ चार हजार पुरुषांनी घेतला. यात व्यवस्थित तपास केला तर लाभ घेणारे हे उबाठावालेच असतील, असा टोलाही राम कदम यांनी लगावला. या वेळी त्यांनी संजय राऊत यांच्यावरही टीका केली. त्यांना त्यांचा पक्षच गंभीरतेने घेत नाही तर आम्ही का गंभीर घ्यायचे, अशी खिल्ली त्यांनी उडवली.
शिंदेंकडे रडत आलेला माणूस हसत जातो आणि ‘मातोश्री’वर गेलेला माणूस दरवाजा बंद असलेला पाहून परत येतो, असा टोलाही त्यांनी उद्धव ठाकरे यांना लगावला.