ठाण्यात बंद घराची भिंत कोसळली
ठाण्यात बंद घराची भिंत कोसळली
वागळे इस्टेटमधील मध्यरात्रीची घटना
सकाळ वृत्तसेवा
ठाणे, ता. २८ : वागळे इस्टेट, रुपादेवी पाडा नंबर २ येथे तळ अधिक एक मजली बैठ्या घराची भिंत कोसळल्याची घटना सोमवारी मध्यरात्री दोनच्या सुमारास समोर आली. या घटनेत कोणतीही जीवितहानी झाली नसून ते घर संगीता शिंदे यांच्या मालकीचे आहे. तसेच ते घर सात ते आठ वर्षांपासून बंद स्थितीत असल्याची माहिती ठाणे महापालिकेच्या आपत्ती व्यवस्थापन कक्षाने दिली.
वागळे इस्टेट परिसरातील इंदिरानगर रुपादेवी पाडा नंबर २ येथे मध्यरात्री काही पडल्याचा मोठा आवाज आला. आवाज ऐकून घराबाहेर नागरिकांना तळ अधिक एक मजली घराची भिंत कोसळल्याची बाब निदर्शनास आल्यावर ती माहिती विवेक सिंग या व्यक्तीने महापालिका आपत्ती व्यवस्थापन कक्षेला दिली. त्या घटनेचे गांभीर्य लक्षात घेत पालिकेचे आपत्ती व्यवस्थापन, अग्निशमन दल, श्रीनगर पोलिस, प्रभाग समिती सार्वजनिक बांधकाम विभाग या विभागाच्या कर्मचाऱ्यांनी तातडीने धाव घेतली. या घटनेत कोणतीही जीवितहानी किंवा कोणालाही दुखापत झाली नसल्याचे स्पष्ट झाले. तसेच ज्या घराची भिंत कोसळली, त्या घराचे बांधकाम २० वर्षे जुने असून, त्या घरामध्ये कोणीही राहात नाही. सुमारे सात ते आठ वर्षांपासून ते घर बंद स्थितीमध्ये आहे. तसेच भिंत कोसळल्याने उर्वरित भिंत आणि घर धोकादायक स्थितीमध्ये आल्याने धोकादायक भिंतीचा भाग जेसीबी मशीनच्या सहाय्याने पाडून सद्यःस्थितीत धोका दूर करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.