कचोरे परिसरात माती खचल्याने घरांचे नुकसान

कचोरे परिसरात माती खचल्याने घरांचे नुकसान
कल्याण, ता. २७ (वार्ताहर) : पूर्वेतील कचोरे परिसरात माती खचल्याने पाच ते सहा घरांचे नुकसान झाल्याची घटना रविवारी (ता. २८) सकाळी घडली. सुदैवाने यामध्ये कोणतीही जीवितहानी झाली नाही.
माहितीनुसार, मागील दोन दिवसांपासून सातत्याने सुरू असलेल्या पावसामुळे कचोरे येथील टेकडीवजा परिसरातील संदर्भित चाळतील घराच्या मागच्या बाजूची माती खचली. यात पाच ते सहा घरांचे नुकसान झाले आहे. याआधीच लोकांचे स्थलांतर झाल्याने सुदैवाने यात कोणतीही जीवितहानी झाली नाही.
केडीएमसीच्या फ वॉर्ड सहाय्यक आयुक्त हेमा मुंबरकर यांनी सांगितले की, फ आणि जे प्रभाग या दोन्ही प्रभागाच्या सीमेवर असलेला कचोरा गाव आहे. येथील टेकडीवर असलेल्या चाळी अथवा माती भूस्खलन होऊ शकते अशा ठिकाणची घरं पावसाळ्यापूर्वीच निर्मनुष्य करून घेतली होती. त्यातील एका चाळीच्या घराची भिंतलगतची माती खचत असल्याचे गावकऱ्यांना दिसल्यामुळे त्यांनी हा भाग तोडून घेतला आणि धोकाही टाळला.