त्रासाला कंटाळून विवाहितेची आत्महत्या

पनवेल, ता. २८ (वार्ताहर) : सततच्या मानसिक, शारीरिक छळाला कंटाळून पनवेल तालुक्यातील काळुंद्रे गावात राहणाऱ्या एका विवाहितेने आत्महत्या केली होती. या प्रकरणात आत्महत्येस प्रवृत्त केल्याप्रकरणी पतीविरोधात गुन्हा दाखल आहे.
२०११ मध्ये नम्रता आणि नैनीत यांचा विवाह झाला होता. लग्नानंतर काही वर्षे त्यांचा संसार सुरळीत सुरू होता, मात्र त्यानंतर नैनीतला दारूचे व्यसन जडल्यामुळे घरखर्च देणे बंद केले. नम्रताने घराचे भाडे, मुलांचे शिक्षण, घरखर्चासाठी स्वतः काटकसर करून तसेच वडिलांकडून मदत घेऊन कुटुंबाचा उदरनिर्वाह करण्याचा प्रयत्न केला, पण नैनीतने नम्रताला मारहाण, शिवीगाळ करत तिचा छळ करण्यास सुरुवात केली. याच त्रासाला कंटाळून नम्रताने सोमवारी (ता. २१) पहाटेच्या घरातच आत्महत्या केली. या घटनेनंतर तिच्या वडिलांनी पनवेल शहर पोलिस ठाण्यात तक्रार दाखल केली होती.