ट्रकच्या धडकेत तरुणाचा मृत्यू

नवी मुंबई, ता. २८ (वार्ताहर) : ठाणेते बेलापूर मार्गावरील रबाळे येथे दुचाकीवरील दोघा तरुणांना ट्रकने धडक दिली होती. या अपघातात एकाचा घटनास्थळावरच मृत्यू झाला आहे, तर मागे बसलेला त्याचा सहकारी गंभीर जखमी आहे.
ऐरोली सेक्टर-९ येथील दिवा गावातील साहिल पवार (२१) त्याचा सहकारी नुरूल सय्यद (२२) बरोबर शनिवारी (ता. २६) पहाटे घरी जात होता. पहाटे सव्वापाचच्या सुमारास ठाणे-बेलापूर मार्गावरील रिलायन्स ब्रिज उतरताना ठाणे मार्गिकेवर रबाळे रेल्वेस्थानकाच्या दिशेने जात असताना समोरून आलेल्या ट्रकने अचानक ब्रेक दाबल्याने साहिल याची दुचाकी घसरली. या वेळी ट्रकचे मागील चाक साहिलच्या पोटावरून गेल्याने त्याचा जागीच मृत्यू झाला, तर नुरूल हसनच्या पायांना गंभीर दुखापत झाली.
---------------------------------
आठवडाभरातील दुसरी घटना
अपघात घडूनही ट्रकचालकाने घटनास्थळावरून पळून गेला होता. रबाळे एमआयडीसी पोलिसांनी तत्काळ घटनास्थळी धाव घेऊन जखमी आणि मृताला रुग्णालयात दाखल केले. त्यानंतर पोलिसांनी ट्रकचालकाविरुद्ध गुन्हा दाखल आहे. महत्त्वाचे म्हणजे या उड्डाणपुलावर आठवडाभरापूर्वी दुचाकीवरील दोघांचा मृत्यू झाला आहे.