भिवंडीत टेम्पोच्या धडकेत दुचाकीस्वाराचा मृत्यू

भिवंडीत टेम्पोच्या धडकेत दुचाकीस्वाराचा मृत्यू
भिवंडी, ता. २८ (वार्ताहर) : भरधाव टेम्पोचालकाने दुचाकीला दिलेल्या धडकेत दुचाकीस्वार तरुणाचा जागीच मृत्यू झाला. ही घटना रविवारी (ता. २७) रात्री भिवंडी-पारोळ रस्त्यावर असलेल्या तळवली फाटा येथे घडली. संकेश पंढरीनाथ पाटील (वय २८, रा. खोणी गाव) असे मृत तरुणाचे नाव आहे. संकेश हा दुचाकीने जात असताना भरधाव टेम्पोने त्याला धडक दिली. भिवंडी-वाडा महामार्ग व चिंचोटी-कामण महामार्गावर मोठ्या प्रमाणात खड्डे पडल्याने या मार्गावरून जाणारी अवजड वाहने ही भिवंडी-पारोळ या रस्त्यावरून जात आहेत. त्यामुळे या ठिकाणी वारंवार अपघात होत असल्याची तक्रार स्थानिक नागरिकांनी केली.