दिव्यातील धरणे आंदोलन २९ दिवसांनी स्थगित

दिव्यातील धरणे आंदोलन २९ दिवसांनी स्थगित
ठाणे, ता. २९ : दिवा ते छत्रपती शिवाजी महाराज टर्मिनल (सीएसएमटी) लोकल सुरू करण्यासाठी १ जुलैपासून दिव्यातील समाजसेविका अश्विनी केंद्रे या बेमुदत धरणे आंदोलनाला बसल्या होत्या. मध्य रेल्वेचे अधिकारी, पोलिस प्रशासन यांच्या मध्यस्थीने आणि अमोल केंद्रे यांनी उच्च न्यायालयात याचिका दाखल केल्याने हे बेमुदत धरणे आंदोलन मंगळवारी (ता. २९) स्थगित करण्यात आले. रेल्वे प्रशासनाने सप्टेंबरमध्ये सकाळच्या सुमारास लोकलची संख्या वाढविण्याबरोबर अंबरनाथ, कल्याण-डोंबिवलीतून सुटणाऱ्या जलद लोकलला दिव्यात थांबा देण्यास होकार दिला असून, दिवा आणि मुंब्रा रेल्वेस्थानक परिसरात २४ तास प्रत्येकी एक रुग्णवाहिका सेवेत ठेवण्याचेही मान्य केल्याची माहिती आंदोलनकर्ते अमोल केंद्रे यांनी दिली.