पूनम पाटील काँग्रेस शहराध्यक्षपदी

पूनम पाटील काँग्रेस शहराध्यक्षपदी
वाशी (बातमीदार)ः काँग्रेस पक्षाच्या वतीने नवी मुंबई शहर काँग्रेस कमिटीच्या अध्यक्षपदी पूनम पाटील यांची निवड करण्यात आली आहे. अखिल भारतीय काँग्रेस कमिटीने जाहीर केलेल्या यादीत त्यांच्या नावाचा समावेश आहे.
पूनम पाटील यांच्या नियुक्तीनंतर नवी मुंबई काँग्रेसच्या संघटनात्मक कार्याला अधिक बळ मिळणार असून, विविध पक्षकार्यांमध्ये महिला नेतृत्वाला प्राधान्य देण्याच्या काँग्रेसच्या धोरणाचीही पुनःप्रतीती देणारी ही निवड ठरली आहे. काँगेसमध्ये असणाऱ्या पूनम पाटील यांचा सामाजिक व राजकीय कार्याचा अनुभव लक्षात घेऊन पक्षश्रेष्ठींनी ही जबाबदारी सोपवली आहे. त्यांच्याकडून नवी मुंबईतील काँग्रेस संघटनेला नवसंजीवनी मिळेल, अशी आशा कार्यकर्त्यांना आहे.