८०० कोटींतील १० टक्के अधिकाऱ्यांच्या खिशात : सुदेश चौधरी

८०० कोटींतील १० टक्के अधिकाऱ्यांच्या खिशात : सुदेश चौधरी
विरार, ता. ३० (बातमीदार) : महापालिकेच्या सार्वजनिक बांधकाम विभागाचे ७०० ते ८०० कोटींचे बजेट असते. २०२५-२६ या आर्थिक वर्षात ८०० ते ८५० कोटींचे बजेट आहे; परंतु या ८०० कोटींच्या तरतुदीतील १० टक्के अधिकाऱ्यांच्या खिशात जातात,’ असा गौप्य स्फोट माजी स्थायी समिती सभापती सुदेश चौधरी यांनी केला आहे. यासंबंधीची टक्केवारीच त्यांनी सांगितली. यात तीन टक्के आयुक्त, एक टक्का अतिरिक्त आयुक्त, शहर अभियंता एक टक्का, कार्यकारी अभियंता एक टक्का, उपअभियंता एक टक्का, कनिष्ठ अभियंता एक टक्का, दीड टक्का लेखापरीक्षण विभागाला द्यावे लागतात. म्हणजेच सर्वसाधारण ८० कोटी रुपये पालिका अधिकाऱ्यांच्या खिशात जातात, असा आरोप सुदेश चौधरी यांनी केला.