सुकेळी टोलनाक्याला राष्ट्रवादीचा विरोध

सुकेळी टोलनाक्याला राष्ट्रवादीचा विरोध
रोहा, ता. ३० (बातमीदार) : मुंबई-गोवा महामार्गावर खड्ड्यांचे साम्राज्य पसरले असून या धोकादायक, जीवघेण्या खड्ड्यांतून वाहनचालकांना तारेवरची कसरत करावी लागत आहे. या खड्ड्यांची डागडुजी न करता कंत्राटदारांकडून सुकेळी येथे टोलनाका सुरू करण्याचे काम युद्धपातळीवर सुरू आहे. या टोलनाक्याविरोधात शरद पवार यांच्या राष्ट्रवादी काँग्रेसच्या कार्यकर्त्यांनी आक्रमक भूमिका घेत टोलनाक्यावरील खड्ड्यात बसून आंदोलन करत कंत्राटदाराला इशारा दिला. येत्या १५ ऑगस्टपूर्वी हा महामार्ग खड्डेमुक्त करा, नंतरच टोल वसूल करा; मात्र असे न झाल्यास टोलनाका सुरू केल्यास हा टोलनाका फोडू, असा इशारा राष्ट्रवादी काँग्रेसचे (शरद पवार गट) जिल्हाध्यक्ष रवींद्र चव्हाण यांनी दिला.