मुंबई मराठी ग्रंथसंग्रहालयाचा १२६ वा वार्षिकोत्सव

मुंबई मराठी ग्रंथसंग्रहालयाचा १२६वा वार्षिकोत्सव
मुंबई ः दादर येथील शारदा मंगल कार्यालयात शुक्रवारी (ता. १) मुंबई मराठी ग्रंथसंग्रहालयाचा १२६वा वार्षिकोत्सव साजरा होत आहे. यानिमित्त दरवर्षी साहित्य, नाट्य व सर्वोकृष्ट कर्मचारी पुरस्काराचे वितरण करण्यात येते. यंदाचा नटवर्य मामा पेंडसे उत्‍कृष्‍ट नाटककार पुरस्कार संदेश कुलकर्णी, सर्वोकृष्ट अभिनेत्री म्हणून नीना कुळकर्णी आणि केशवराव दाते, जीवनगौरव पुरस्कार दिलीप जाधव यांना जाहीर झाला आहे. अविनाश सप्रे यांना ‘स्वातंत्र्योत्तर मराठी कादंबरी : प्रवृत्ती, प्रेरणा आणि प्रवाह’, राही अनिल बर्वे यांना ‘श्वासपाने’ व संदीप परब यांना ‘श्री बल्लाळेश्वर देवालय’ यासाठी साहित्यातील पुरस्कार जाहीर झाले आहेत.
सर्वोकृष्ट सेवेसाठी फिरती ढालने विलेपार्ले शाखा व दादर विभाग यांना सन्मानित करण्यात येणार आहे. तसेच सुधाकर पवार, प्रणय चाळके, संतोष पांगे, अर्चना पाटील, रूपाली पवार, अश्विनी आयरे, प्रीती घरत, मंजुश्री कदम, आशा मायगडे या सेवकांनाही पुरस्कार देण्यात येतील. ज्येष्ठ साहित्यिक मोनिका गजेंद्रगडकर यांच्या अध्यक्षतेखाली या पुरस्कारांचे वितरण होणार आहे.