शरदचंद्र पवार गटाची भव्य सभा

कळंबोली येथे शरद पवार गटाची सभा
नवी मुंबई, ता. ३१ ः कळंबोली येथे माजी नगरसेवक व शरद पवार गटाचे रायगड जिल्हाध्यक्ष सतीश मोहन पाटील यांनी मंगळवारी (ता. ३०) सभा आयोजित केली होती. या सभेला प्रदेशाध्यक्ष शशिकांत शिंदे, युवक प्रदेशाध्यक्ष महेबूब शेख तसेच माथाडी कामगार नेते गुलाबराव जगताप हे उपस्थित होते. या वेळी नागरिक, माथाडी कामगार, कार्यकर्त्यांनी मोठ्या संख्येने हजेरी लावली होती.
या सभेत शशिकांत शिंदे यांनी भाषणातून कार्यकर्त्यांना मार्गदर्शन केले. तसेच सतीश मोहन पाटील यांच्या पुढाकारातून कळंबोलीमधून राष्ट्रवादी पक्षाला अधिक बळ मिळाले आहे. या सभेला यशस्वी करण्यामध्ये सरचिटणीस तुषार पाटील यांची विशेष मेहनत आणि नियोजनाचे योगदान राहिले. तुषार पाटील युवा मंच व त्यांचे सर्व सहकारी, कार्यकर्ते यांनीदेखील सभा यशस्वी होण्यासाठी परिश्रम घेतले. याशिवाय कळंबोली शहर कार्याध्यक्ष संग्राम देशमुख, कळंबोली शहर उपाध्यक्ष सौरभ नाईक, युवा नेते स्वप्नील जाधव तसेच तुषार पाटील युवा मंचचे उपाध्यक्ष पुरुषोत्तम दुदुस्कर हेदेखील या सभेला प्रमुख उपस्थित होते. या सभेच्या माध्यमातून राष्ट्रवादी शरद पवार गटात कळंबोलीमध्ये पुन्हा नवचैतन्य व ऊर्जा संचारली आहे.