पोलिसांवर ही आली अंधारात काम करण्याची वेळ

पोलिसांवरही आली अंधारात काम करण्याची वेळ
सकाळ वृत्तसेवा
डोंबिवली, ता. १ ः डोंबिवली शहरात वारंवार वीज जाण्याच्या समस्येने नागरिक त्रस्त आहेत. याचा फटका केवळ सर्वसामान्य नागरिकांनाच नाही, तर शाळा, रुग्णालय, सरकारी कार्यालय याचबरोबर पोलिसांनादेखील बसत आहे. डोंबिवली पश्चिमेला शुक्रवारी (ता. १) सायंकाळी वीज गेल्यामुळे पोलिसांना अंधारात मोबाईलच्या टॉर्चमध्ये बसून काम करण्याची वेळ आली.
डोंबिवली पश्चिमेला शुक्रवारी रात्री ७ वाजून ५५ मिनिटांनी वीजप्रवाह खंडित झाला. तब्बल ४० मिनिटानंतर वीजपुरवठा सुरळीत सुरू झाला; मात्र यादरम्यान पोलिसांना अंधारात बसून काम करण्याची वेळ आली. डोंबिवली पश्चिम येथील विष्णूनगर पोलिस ठाण्यातील पोलिस कर्मचारी मोबाईल टॉर्चमध्ये बसून काम करताना दिसून आले.