कवयित्री बहिणाबाई चौधरी यांच्या कवितांचे सादरीकरण

कवयित्री बहिणाबाई चौधरी यांच्या कवितांचे सादरीकरण
घाटकोपर, ता. २ (बातमीदार) ः येथील एस.पी.आर.जे. कन्याशाळा संचालित श्रीमती एस. टी. मेहता महिला कनिष्ठ महाविद्यालयातील मराठी वाङ्‌मय मंडळामार्फत श्रीमती सुचेता नलावडे यांचा ‘कवयित्री बहिणाबाई चौधरी’ यांच्या कवितांच्या सादरीकरणाच्या कार्यक्रमाचे आयोजन करण्यात आले. जागतिक कीर्तीच्या एक सुप्रसिद्ध साहित्यिक म्हणून बहिणाबाईंचे नाव आदराने घेतले जाते. बहिणाबाईंच्या साहित्याचा अधिकाधिक प्रसार व्हावा, या उद्देशाने या कार्यक्रमाचे आयाेजन केले होते. महाविद्यालयातील विद्यार्थिनी, शिक्षक या वेळी उपस्‍थित होते. कार्यक्रमाच्या सूत्रसंचालनाची धुरा हिम्मतराव सोनवणे यांनी सांभाळली. त्याचप्रमाणे कार्यक्रम यशस्वी करण्यासाठी प्राध्यापिका गीता जाधव, सीमा वाघमोडे, विलास करपे या शिक्षकांचाही विशेष सहभाग होता.