कांदिवलीत आजपासून बौद्धिक अक्षम राष्ट्रीय जलतरण स्पर्धा

कांदिवलीत आजपासून बौद्धिक अक्षम राष्ट्रीय जलतरण स्पर्धा
कांदिवली, ता. २ (बातमीदार) ः स्पेशल ओलिंपिक भारत (महाराष्ट्र चॅप्टर) या संस्थेच्या वतीने बौद्धिक अक्षम खेळाडूंसाठी पहिल्‍यांदाच राष्ट्रीय जलतरण स्पर्धा आयोजित करण्यात आली आहे. कांदिवलीतील सरदार वल्लभभाई पटेल जलतरण तलाव येथे ३ ते ६ ऑगस्ट २०२५दरम्‍यान ही स्‍पर्धा होणार आहे. तीन गटांत होणाऱ्या स्पर्धेत ३५०हून अधिक खेळाडू सहभागी होणार आहेत. १४ वर्षांखालील गट, १४ ते १७ वर्षे असलेला गट आणि १७ वर्षांपासून पुढील वयोगटातील खेळाडू सहभागी होणार आहेत. महाराष्‍ट्राचे राज्यपाल सी. पी. राधाकृष्णन यांच्या हस्ते विजेत्यांना पारितोषिके देऊन सन्मानित करण्यात येणार आहे. या स्पर्धेसाठी संस्थेच्या अध्यक्षा मल्लिका नड्डा, केंद्रीय मंत्री पीयूष गोयल, पालिकेचे वरिष्ठ अधिकारी उपस्थित राहणार आहेत.