जोगेश्वरीतील अनधिकृत व्यासपीठ हटवला
जोगेश्वरीतील अनधिकृत व्यासपीठ हटवले
न्यायालयाच्या आदेशाने १३ वर्षांनी पालिकेचा हातोडा
जोगेश्वरी, ता. २ (बातमीदार) ः जोगेश्वरी पूर्व सर्वोदयनगरमधील सार्वजनिक मैदानावर आरक्षित असलेल्या जागेवरील अनधिकृत व्यासपीठ पालिकेने शुक्रवारी (ता. १) हटवले. न्यायालयाच्या आदेशानंतर तब्बल १३ वर्षांनी येथे कारवाई करण्यात आली. या कारवाईमुळे म्हाडा व पालिकेला चांगलीच चपराक बसल्याची चर्चा सुरू आहे.
कायदा व सुव्यवस्थेचा प्रश्न उद्भवू नये, यासाठी मेघवाडी पोलिस ठाण्याचे अधिकारी व पोलिस कर्मचारी तैनात करण्यात आले होते. गणेशोत्सव काही दिवसांवर येऊन ठेपला असताना व्यासपीठ हटवल्याने स्थानिक नागरिकांमधून नाराजीचा सूर उमटत आहे.
गेल्या अनेक वर्षांपासून जोगेश्वरी पूर्वेतील सर्वोदयनगर परिसरात सार्वजनिक मैदानावर उभारलेल्या व्यासपीठावर सर्वोदय सेवा समितीमार्फत विविध धार्मिक व सांस्कृतिक कार्यक्रम होत होते. मात्र येथील अनधिकृत बांधकाबाबत २०१२मध्ये सर्वोदयनगर येथील रहिवासी रविकांत सखाराम दुखंडे यांनी न्यायालयात याचिका दाखल केली होती. २५ जून २०२५ रोजी न्यायालयाने निकाल देताना नमूद केले होते, की येथील व्यासपीठ हे सार्वजनिक उद्यानासाठी आरक्षित जागेवर अनधिकृतरीत्या उभारण्यात आले आहे. म्हाडा आणि महापालिकेला एक महिन्याच्या आत बांधकाम हटवण्याचे आदेश दिले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.