कंरजा बंदरात पोलिसांचे मॉकड्रील

उरण, ता.२(वार्ताहर)ः करंजा बंदरात दोन बंदूकधारी दहशतवाद्यांनी प्रवासी बोट हायजॅक करून प्रवाशांना ओलीस धरल्याची माहिती शुक्रवारी सकाळी उरण पोलिसांना मिळाली होती. त्यानंतर पोलिसांचे पथकही तातडीने रवाना झाले. काहीकाळासाठी तणावाचे वातावरण निर्माण झाले. मात्र, हे मॉकड्रील असल्याचे समजल्यानंतर अनेकांनी सुटकेचा निःश्वास सोडला.
रेवसहून निघालेली बोट सोमवारी सकाळी १०.३० वाजता करंजा जेट्टीवर पोहचली होती. या बोटीमध्ये दोन बंदूकधाऱ्यांनी प्रवाशांना ओलीस ठेऊन बोट हायजॅक केल्याची माहिती उरण पोलिसांना देण्यात आली. पोलिसांचे पथक तातडीने घटनास्थळ दाखल झाले. दोन व्यक्तींच्या हातात बंदुका असल्याचे दिसून आले. या घटनेची नवी मुंबईतील क्यूआरटी, एटीएस पथकाला पाचारण करण्यात आले होते. सुरक्षा यंत्रणेने तातडीने परिस्थितीवर नियंत्रण मिळवले. मॉकड्रिल असल्याचे आढळून आले.
---------------------------------
शंभरहून अधिक कर्मचारी उपस्थित
सागरी सुरक्षा दलाच्या पथकासमवेत अग्निशमन दल, रुग्णवाहिका सुद्धा हजर झाले होते. या कारवाई दरम्यान उरण तालुक्यातील पोलिस अधिकारी यांच्यासमवेत शंभरहून अधिक कर्मचारी उपस्थित होते. तब्बल तीन तास सुरू होते. या मॉकड्रिलमध्ये उरण, मोरा सागरी, न्हावा-शेवा येथील अधिकारी, पोलिस कर्मचाऱ्यांचा सहभाग होता.