यशवंतराव चव्हाण ज्येष्ठ नागरिक कृतज्ञता सन्मानसाठी अर्ज करण्याचे आवाहन

यशवंतराव चव्हाण ज्येष्ठ नागरिक कृतज्ञता सन्मानसाठी अर्ज करण्याचे आवाहन
धारावी, ता. २ (बातमीदार) : यशवंतराव चव्हाण सेंटरच्या वतीने १ ऑक्टोबर या जागतिक ज्येष्ठ नागरिक दिनाचे औचित्य साधून ‘यशवंतराव चव्हाण ज्येष्ठ नागरिक कृतज्ञता सन्मान व यशवंतराव चव्हाण ज्येष्ठ नागरिक संघ/संस्था कृतज्ञता सन्मान’ सुरू करण्यात आले आहेत. समाजाभिमुख कार्य करणाऱ्या ज्‍येष्‍ठ नागरिकांनी १६ जुलै २०२५ ते ३१ ऑगस्ट २०२५ पर्यंत अर्ज करावे, असे आवाहन आयोजकांनी केले आहे. या सन्मानासाठी दोन महिला, दोन पुरुष, एक दिव्यांग व्यक्ती, एक तृतीयपंथी आणि एक संघ किंवा संस्था यांची निवड करण्यात येईल. या सन्मानाचे स्वरूप सन्मानचिन्ह, मानपत्र आणि सन्मानाची रक्कम असे राहील. हा पुरस्कार वितरण सोहळा ५ ऑक्टोबर रोजी मुख्य सभागृह, यशवंतराव चव्हाण सेंटर, मुंबई येथे पार पडणार आहे. अधिक माहितीसाठी ०२२-२२०४५४६०, २२०२८५९८ या क्रमांकांवर सोमवार ते शुक्रवार सकाळी ११ ते सायंकाळी ६ या वेळेत संपर्क साधावा, असे आवाहन आयोजकांनी केले आहे.