जुहू दुर्घटनेतील मृतदेह सापडला

जुहू दुर्घटनेतील
मृतदेह सापडला
सकाळ वृत्तसेवा
मुंबई, ता. २ : जुहू येथील सिल्व्हर बीचवर शुक्रवारी सकाळी साडेआठच्या सुमारास दोन तरुण समुद्रात बुडाल्याच्या घटनेत एकाला वाचवण्यात यश आले होते, तर बेपत्ता असलेल्या दुसऱ्या तरुणाचा मृतदेह शुक्रवारी रात्री उशिरा सापडला.
जुहू येथील सिल्व्हर बीचवर दोन युवक समुद्रात पोहत असताना सुमारे २०० मीटर आत वाहून गेले. यातील राजकुमार गोविंद सुब्बा (२२) याला जीवरक्षक जितेंद्र तांडेल यांनी अग्निशमन दल येण्यापूर्वीच वाचवले. दुसरा युवक विघ्नेश मुरगेश देवेन्द्रम (२०) याचा शोध रात्री उशिरापर्यंत सुरू होता. अखेर स्थानिक मच्छीमार आणि जुहू पोलिसांच्या मदतीने रात्री १०.३० वाजताच्या दरम्यान त्याचा मृतदेह सापडला.