गणपती आगमन, विसर्जन
मार्गातील अडथळे दूर करा!
सकाळ वृत्तसेवा
मुंबई, ता. २ : सार्जनिक गणेशोत्सव मंडळांच्या मंडपात गणरायाच्या आगमनाला सुरुवात झाली आहे. या पार्श्वभूमीवर काल (ता. १) भोईवाडा आणि काळाचौकी पोलिस ठाण्याचे वरिष्ठ अधिकारी, वाहतूक विभाग, पालिका अधिकारी आणि मंडळांच्या पदाधिकाऱ्यांत बैठक झाली. या वेळी आगमन मार्गांवरील झाडांच्या वाढलेल्या फांद्या, रस्त्यावरील अडथळे, सिग्नल यंत्रणा याबाबत उपाययोजना कराव्यात, अशी मागणी बृहन्मुंबई सार्वजनिक गणेशोत्सव समन्वय समितीने केली.
गणरायाच्या आगमनावेळी शहरातील वाहतुकीवर परिणाम होऊ नये, यासाठी मंडळांनी मोठ्या प्रमाणात सुट्टीच्या दिवशी तसेच शनिवार व रविवारी मूर्ती आगमन करण्याचा निर्णय घेतला आहे. या पार्श्वभूमीवर शुक्रवारी भोईवाडा आणि काळाचौकी पोलिस ठाण्याचे वरिष्ठ अधिकारी, वाहतूक विभाग, पालिका अधिकारी आणि बृहन्मुंबई सार्वजनिक गणेशोत्सव समन्वय समितीचे पदाधिकारी यांच्यात बैठक झाली. या बैठकीत झाडांच्या वाढलेल्या फांद्या, रस्त्यावरील अडथळे, सिग्नल यंत्रणांबाबत उपाययोजना करण्याचे आश्‍वासन अधिकाऱ्यांनी दिले.
गणेशोत्सव मंडळांनी मिरवणुकीदरम्यान रुग्णवाहिकेला मार्ग करून देण्याची सूचना मंडळांना करण्यात आली.
............
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.