कुमुद विद्या मंदिरात ‘आनंददायी शनिवार’

कुमुद विद्या मंदिरमध्ये ‘आनंददायी शनिवार’
मुंबई, ता. २ ः देवनार, गाेवंडी येथील कुमुद विद्यामंदिर मराठी माध्यम, माध्यमिक विभागात ‘आनंददायी शनिवार’ या उपक्रमांतर्गत ‘लेखक आपल्या भेटीला’ या अनोख्या उपक्रमाचे आयोजन शनिवारी (ता. २) करण्यात आले होते.
गोवंडी, चेंबूर, मानखुर्द या भागांतून सर्वसामान्य कुटुंबांतील मुले या शाळेत शिक्षण घेत आहेत. शाळा मुलांच्या बौद्धिक वाढीसह चांगले नागरिक घडविण्यासाठी विविध उपक्रमांचे आयोजन नेहमीत करीत असते. नवीन शैक्षणिक धोरणानुसार आनंददायी शनिवारअंतर्गत पाचवीच्या मराठी पाठ्यपुस्तकातील ‘मुंग्यांच्या जगात’ या पाठाचे लेखक प्रकाश नवाळे यांना आमंत्रित करण्यात आले होते. पाचवीचे २०६ विद्यार्थी सहभागी झाले होते.
लेखकांशी थेट संवाद साधण्याची संधी या उपक्रमातून विद्यार्थ्यांना मिळाली. मुंग्यांविषयीची माहिती प्रत्यक्षात लेखकांच्या तोंडून विद्यार्थ्यांना ऐकायला मिळाली. आपण शिकत असलेल्या पाठाचे लेखक आपल्यासमोर आहेत, हे पाहून मुलेही आनंदाने सहभागी झाली.
या कार्यक्रमाचे प्रास्ताविक शिक्षिका निजाई यांनी केले. उपस्‍थितांचे आभार मराठी विषयाच्या शिक्षिका वर्षा गायकवाड यांनी मानले. स्मिता वाघचौरे यांनी या उपक्रमासाठी विशेष प्रयत्न केल्‍याबद्दल मुख्याध्यापिका गायकवाड यांनी त्यांचे कौतुक केले.