सरसगड किल्ल्यावरून पडून तरुण गंभीर जखमी
पाली, ता. २ (वार्ताहर) : पालीतील सरसगड किल्ल्यावरून पडून एक तरुण गंभीर जखमी झाल्याची घटना शनिवारी (ता. २) सायंकाळी पावणेपाच वाजण्याच्या सुमारास घडली. निखिल कदम असे या तरुणाचे नाव आहे. तो मूळचा सातारा येथील असून पुणे येथे नोकरी करतो.
निखिलच्या डोक्याला इजा झाली असून त्याचा खांदा फ्रॅक्चर झाला आहे. पुण्यातील एका कंपनीचा समूह सरसगड किल्ल्यावर ट्रेकिंगसाठी आला होता. या वेळी सरसगडाच्या मधल्या टप्प्यावर असलेल्या पायऱ्या चढत असताना घसरणीमुळे निखिल कदम पायऱ्यांच्या बाजूला असलेल्या दरीत कोसळला आणि जखमी झाला. या घटनेची माहिती मिळताच लागलीच पाली पोलिस, स्थानिक आपदामित्र, वन्यजीव रक्षणार्थ सामाजिक संस्थेचे सदस्य आणि पालीतील स्वयंसेवक त्या ठिकाणी पोहोचले. बचाव पथकासह पोलिसांनी घटनास्थळी धाव घेत निखिलवर प्राथमिक उपचार करून त्याला किल्ल्यावरून खाली आणले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.