लोकलमध्ये मद्यपी पोलिसाकडून महिलेचा विनयभंग
लोकलमध्ये मद्यपी पोलिसाकडून महिलेचा विनयभंग
नालासोपारा, ता. २ (बातमीदार) : पश्चिम रेल्वेच्या लोकल डब्यात मद्याच्या नशेत पोलिसानेच महिला प्रवाशांचा विनयभंग केल्याचा धक्कादायक प्रकार समोर आला आहे. मिरा रोड ते नायगावदरम्यान शनिवारी (ता. २) दुपारी तीन ते साडेतीन वाजण्याच्या सुमारास ही घटना घडली. या घटनेचा महिलांनी व्हिडिओ काढून या मद्यपी आरोपीला पोलिसांच्या ताब्यात दिले. आरोपीविरोधात गुन्हा दाखल करण्यात आला. पोलिस या प्रकरणाचा अधिक तपास करीत आहेत.
अमोल किशोर सपकाळे असे आरोपी पोलिसाचे नाव असून, तो मिरा-भाईंदर, वसई-विरार पोलिस आयुक्तालयात कार्यरत आहे. मद्याच्या नशेत अमोल महिला डब्यात चढला. त्यानंतर त्याने एका महिलेला कोपराने धक्का मारून पुन्हा तिच्या पाठीवर हात टाकला. यानंतर महिलांच्या जाग्यावर बसून महिलांशी अश्लील वर्तन केले. त्यानंतर त्याने महिलांचे तिकीटही तपासल्याचा धक्कादायक प्रकार घडला आहे. पीडित महिलांनी खाकी वर्दीचा मान राखून नराधम पोलिसाला कोणताही हात न लावता प्रथम नायगाव स्टेशन मास्तर आणि नंतर वसई लोहमार्ग पोलिस ठाण्यात आणून पोलिसांच्या स्वाधीन केले आहे. आता पोलिसच महिलांचा विनयभंग करीत असतील तर घराबाहेर पडणाऱ्या महिलांनी विश्वास ठेवायचा कुणावर, असा संतप्त सवाल पीडित महिलेने विचारला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.