रक्तदान करा; हेल्मेट मिळवा

रक्तदान करा;
हेल्मेट मिळवा
मुंबई : युवा सेना आणि तारामती चॅरिटेबल फाउंडेशन तर्फे रविवारी (ता. ३) मागाठाणे येथे रक्तदान शिबिराचे आयोजन करण्यात आले असून रक्तदात्यांना हेल्मेटची भेट दिली जाईल. युवासेना कार्यकारणी सदस्य राज प्रकाश सुर्वे यांच्या संकल्पनेतून ही मोहीम राबवली जात आहे. या शिबिरात जमा होणारे रक्त कर्करोगाच्या रुग्णांसाठी वापरले जाईल. त्यामुळे रक्तदान करा, आकर्षक बक्षिसे मिळवा आणि सामाजिक बांधिलकी जपा असे आवाहन सुर्वे यांनी नागरिकांना केले आहे. यावेळी लकी ड्रॉ काढण्यात येणार असून विजेत्यांना आकर्षक बक्षीस मिळतील. तसेच रक्तदात्यांना त्यांच्या गरजेच्या वेळी मोफत रक्त मिळेल असेही सुर्वे यांनी सांगितले. हे रक्तदान शिबीर दहिसर पूर्वेकडील बाप्पा बजरंगदास मंदिराजवळील पूजा बँक्वेट हॉलमध्ये सकाळी दहा ते सायंकाळी साडेचारपर्यंत आयोजित केले आहे.