कोळी बांधवांच्या रोजगारासाठी प्रयत्न करावे

कोळीबांधवांच्या रोजगारासाठी प्रयत्न करावेत
प्रभादेवी, ता. ३ (बातमीदार) ः महाराष्ट्रातील पारंपरिक मच्छीमारी करणाऱ्या कोळी समाजाच्या कुटुंबांना सध्या अनेक अडचणींना सामोरे जावे लागत आहे. त्यांच्या रोजगाराचा प्रश्नदेखील भेडसावत आहे. अशा परिस्थितीत शासनाने त्यांच्या रोजगारासाठी सर्वतोपरी प्रयत्न करावेत, अशी मागणी नॅशनल असोसिएशन ऑफ फिशर मनचे अध्यक्ष डॉ. गजेंद्र भानजी यांनी केली. बदलत्या हवामानामुळे मासळीची उपलब्धता घटली आहे. समुद्रातील प्रदूषण आणि मोठ्या बोटींच्या अतिक्रमणामुळे स्थानिक मच्छीमारांचे जीवन धोक्यात आले आहे. ही बाब लक्षात घेता शासनाने तातडीने ठोस उपाययोजना राबवाव्यात, असेही त्‍यांनी म्‍हटले आहे. सरकारने तातडीने कृती आराखडा तयार करावा, अशी मागणी कोळी समाजाकडून करण्यात येत आहे.