रस्‍त्‍यावरील विद्युत वितरण पेटी धोकादायक

रस्‍त्‍यावरील विद्युत वितरण पेटी धोकादायक
मालाड, ता. ३ (बातमीदार) ः कांदिवली पश्चिमेकडील साईनगर येथील मुख्य रस्त्यावर विद्युत वितरण पेटी धोकादायक अवस्‍थेत असल्‍याने शॉर्टसर्किट होऊन एखाद्या व्यक्‍तीला विजेचा झटका लागण्याची भीती वर्तवण्यात येत आहे. पेटीखाली मोठ्या प्रमाणात दगड-मातीचा ढिगारा, पाणी येत असल्‍याने वीजपुरवठा खंडित होतो. येथून विद्यार्थीदेखील ये-जा करतात. संभाव्य दुर्घटना टाळण्यासाठी विद्युत वितरण पेटीची जागा मोकळी करावी, येथील दगड-माती उचलावी, अशी मागणी रहिवाशांनी केली आहे.