र ठाणे शहर पोलीस उप निरीक्षक अजित पालकर सेवानिवृत्त

ठाणे शहर पोलिस उपनिरीक्षक अजित पालकर सेवानिवृत्त
सकाळ वृत्तसेवा
ठाणे, ता. ३ : ‘कर्तव्य कठोर असो की संकट गडद, झुकायचे नाही, मागे वळून पाहायचे नाही’ हे ब्रीद व्रतासारखं पाळणारे ठाणे शहर पोलिस उपनिरीक्षक अजित कृष्णा पालकर गुरुवारी (ता. ३१) सेवानिवृत्त झाले.
१९९० साली पोलिसदलात भरती झालेले पालकर यांनी, ठाणे शहरात नौपाडा, कोपरी, म. फुले चौक कल्याण, कळवा, राबोडी अशा विविध पोलिस ठाण्यांत तसेच अँटी करप्शन ठाणे अशा महत्त्वाच्या ठिकाणी पोलिस दलाच्या विविध पदांवर कर्तव्य बजावले.
नौपाडा पोलिस ठाण्यात कार्यरत असताना त्यांनी ठाणे क्राईम ब्रँच या ठिकाणी कळवा खारेगाव येथे बँकेवर पडलेल्या दरोड्यातील ६६ लाख रुपये हस्तगत करून सर्व आरोपींना अटक करून मोठी कारवाई केली. त्यामध्ये त्यांनी कोणतेही दबावतंत्र झिडकारले नाही आणि कायद्याच्या चौकटीत कठोर निर्णय घेतले.