मुंबईकरांना गणेशोत्सवानिमित्त मोफत बससेवेचे आयोजन

भाजपकडून मुंबईकरांना गणेशोत्सवानिमित्त मोफत बससेवा
माणगाव, ता. ३ (बातमीदार) ः भाजपचे दक्षिण रायगड युवा मोर्चा जिल्हाध्यक्ष युवानेते नीलेश थोरे यांच्या माध्यमातून माणगाव तालुक्यातील तळाशेत जिल्हा परिषद हद्दीतील मुंबईकर चाकरमान्यांसाठी यावर्षीही मोफत बससेवेचे आयोजन करण्यात आले आहे. मागील वर्षी सुरू केलेल्या या उपक्रमाला उदंड प्रतिसाद मिळाला असल्याने यावर्षीदेखील सेवा देत असल्याचे भाजप तालुकाध्यक्ष परेश सांगले यांनी सांगितले. ही बससेवा नालासोपारा, ठाणे-खोपट, दिवा, कल्याण, डोंबिवली, मुंबई सेंट्रल, दादर, बोरिवली, घाटकोपर, पनवेल, विरार, सायन, मालाड या स्थानकापासून माणगावपर्यंत मिळणार आहे. यामध्ये भुवन, रातवड, पोटनेर, निळज, वावे दिवाळी, तळाशेत, निवी मूठवली, वारक, साले, खरवली, सुरवतर्फे तळे, बामणोली, पेणतर्फे तळे, काकळ, साई, विहुले, दाखणे या ग्रामपंचायतींमधील मुंबईकरांसाठी उपलब्ध असणार आहे.