कारच्या धडकेत दोघांचा मृत्यू

माणगाव, ता. ४ (बातमीदार)ः ताम्हिणी घाटातील दिघी-पुणे महामार्गावर मौजे कोंडेथर गावच्या हद्दीत कारच्या धडकेत एका पादचाऱ्याचा मृत्यू झाला आहे. तर निजामपूर परिसरातील एका हॉटेलजवळ दुसऱ्या अपघाताची नोंद आहे.
मौजे कोंडेथर गावच्या हददीत ताम्हिणी घाटामध्ये रस्त्यालगत एक टेम्पो फसला होता. हा टेम्पो हायड्राच्या मदतीने काढण्याचा प्रयत्न सुरू असताना अल्लारखा गुलाब तांबोळीला (वय ३०) टेम्पोची पाहणी करत असताना चालक जगदीश जाधव, वय २७ वर्ष, रा. परोटी, जि. नांदेड याच्या ताब्यातील कारने पुणे बाजुकडून येताना जोरदार धडक दिली. यात अल्लारखा तांबोळीचा गंभीर दुखापतीमुळे मृत्यू झाला आहे. या अपघाताची नोंद माणगाव पोलिस ठाण्यात करण्यात आली आहे.
ः----------------------------------
पोलिस ठाण्यात नोंद
मौजे निजामपूर येथे शिव हॉटेलजवळ कारच्या धडकेत एकाचा मृत्यू झाल्याची घटना घडली आहे. पुणे बाजूकडून माणगावकडे येणाऱ्या कारने रिक्षा स्टँडजवळ सलीम चाफेकरला धडक दिली होती. माणगाव उपजिल्हा रुग्णालय माणगाव येथे उपचारा दरम्यान त्यांचा मृत्यू झाला. या अपघाताची नोंद माणगाव पोलिस ठाणे येथे करण्यात आली आहे.
़़़़़़़़़़़़़़़़़़़़़़़़़़़़