गणेशोत्सवात रात्री उशिरापर्यंत लोकल, मेट्रो सुरू ठेवा!

गणेशोत्सवात रात्री उशिरापर्यंत लोकल, मेट्रो सुरू ठेवा!

मुंबई, ता. ४ : गणेशोत्सवाच्या काळात मुंबई एमएमआर परिसरात अनेक गणेशभक्त दर्शनासाठी येत असतात. अशा वेळी गणेशभक्तांसाठी लोकल आणि मेट्रो रात्री उशिरापर्यंत सुरू ठेवावी, यासंदर्भात रेल्वे आणि मेट्रो प्रशासनाकडे पाठपुरावा करणार असल्याचे मुंबई उपनगरचे सह पालकमंत्री मंगलप्रभात लोढा यांनी सांगितले. महापालिकेच्या ग्रॅण्ट रोड येथील डी विभाग कार्यालयात आयोजित जनता दरबारात त्यांनी ही माहिती दिली. गणेशोत्सवादरम्यान महाराष्ट्राच्या कानाकोपऱ्यांतून गणेशभक्त मुंबई परिसरात दाखल होतात. त्यांच्या सोयीसाठी मुंबईतील सार्वजनिक वाहतूक सुरू असणे गरजेचे आहे. त्यासंदर्भात रेल्वे आणि मेट्रो प्रशासनाशी पत्र व्यवहार सुरू असल्याची माहितीही लोढा यांनी दिली.