वर्ल्ड चिल्ड्रन्स तायक्वांदो युनियन अजिंक्यपद स्पर्धेत 22 पदकांची कमाई

वर्ल्ड चिल्ड्रन्स तायक्वांदो युनियन अजिंक्यपद स्पर्धेत २२ पदकांची कमाई
घाटकोपर, ता. ५ (बातमीदार) ः सांगजी विद्यापीठ, गंगवोनदो (द. कोरिया) येथे पार पडलेल्या चौथ्या वर्ल्ड चिल्ड्रन्स तायक्वांदो युनियन चॅम्पियन २०२५ या जागतिक स्पर्धेत चिल्ड्रन्स तायक्वांदो युनियन ऑफ इंडियाने यशस्वी सहभाग घेतला. भारताकडून लहान वयोगटातील मुंबईतील खेळाडूंनी पुम्से आणि क्युरोगी या प्रकारांमध्ये नेत्रदीपक कामगिरी करीत एकूण २२ पदकांची कमाई केली आहे. यात २० सुवर्णपदके आणि दोन रौप्यपदके अशी एकूण २२ पदके जिंकली. ही स्पर्धा वर्ल्ड चिल्ड्रन्स तायक्वांदो युनियनतर्फे आयोजित करण्यात आली होती. भारतातून गेलेल्या संघाचे नेतृत्व चिल्ड्रन्स तायक्वांदो युनियन ऑफ इंडियाचे अध्यक्ष शिवराम मकवाणा यांनी केले. मुख्य प्रशिक्षक म्हणून आंतरराष्ट्रीय पंच व प्रशिक्षक जयेश वेल्हाळ यांनी संघाचे मार्गदर्शन केले. सहाय्यक प्रशिक्षक म्हणून निशांत शिंदे, विक्रांत देसाई, यश दळवी, क्रुपेश रणक्षेत्रे व स्वप्नील शिंदे यांनी मोलाचे योगदान दिले. या स्पर्धेत भारताचे निशांत शिंदे (आंतरराष्ट्रीय पंच) आणि विक्रांत देसाई यांनी रेफरी सदस्य म्हणून काम पाहिले.