विविध समस्यांबाबत मंत्री प्रकाश मेहता यांचे महापालिकेला साकडे

विविध समस्यांबाबत मंत्री प्रकाश मेहता यांचे महापालिकेला साकडे
घाटकोपर, ता. ५ (बातमीदार) ः घाटकोपर विभागातील अनेक समस्यांबाबत माजी मंत्री प्रकाश मेहता यांनी महापालिका एन विभागाचे सहाय्यक आयुक्त गजानन बेल्लाळे यांची प्रत्यक्ष भेट घेऊन घाटकोपर विभागातील अनेक समस्या मांडल्या. या सर्व समस्यांची दखल घ्यावी, अशी मागणी केली. यामध्ये प्रामुख्याने घाटकोपर अंधेरी लिंक रोड रुंदीकरण, जयप्रकाश नगरमधील मंजूर १७ गाळेधारकांना गाळे मिळावेत, घाटकोपर बेस्ट आगाराशेजारील भूखंडावर अनधिकृतपणे सुरू करण्यात आलेला डम्‍पिंग ग्राउंड, विक्रांत चौक टिळक रोड, पालिका शाळेबाहेरील अतिक्रमण, नित्यानंद नगर त्रिमूर्ती सोसायटीसमोरील रस्त्याची दुरुस्ती, नियमित कचरा उचलणे, घाटकोपर पूर्व पटेल चौक, हिंगवाला लेन व इतर रस्ते रुंदीकरण व दुरुस्ती अशा मागण्या या वेळी करण्यात आल्‍या. याबाबत लवकरात लवकर कार्यवाही कराण्यात येणार असल्‍याचे सहाय्यक आयुक्तांनी सांगितले.