मानखुर्द मंडळ मार्गावर पाणी गळती

मानखुर्द मंडळ मार्गावर पाणी गळती
चेंबूर, ता. ५ (बातमीदार) ः मानखुर्द येथील मंडळ परिसरातील एकतानगर मार्ग तीनवर गेल्या कित्येक दिवसांपासून मोठी पाणी गळती सुरू आहे. पालिकेतर्फे अद्याप गळतीची दुरुस्ती झाली नसल्याने मोठ्या प्रमाणात पाणी वाया जात आहे. मानखुर्द मंडळ हा गजबजलेला परिसर म्हणून ओळखला जातो. या मार्गावर शाळा, बाजार आहे, त्यामुळे या मार्गावर सतत रहदारी असते. या मार्गावर पाइपलाइनमधून पाणी गळती होत असल्याने या मार्गावर घाणीचे साम्राज्य पसरलेले आहे. याबाबत स्‍थानिकांनी पालिका एल. पूर्व विभागाला माहिती दिली आहे; मात्र पालिकेकडून कोणतीही कारवाई करण्यात आलेली नाही. पालिकेने त्वरित लक्ष घालून या मार्गावर होणारी पाणी गळती थांबवावी, अशी मागणी नागरिकांनी केली आहे.