१०८ रुग्णवाहिकेची तत्परता

१०८ रुग्णवाहिकेची तत्परता
सरसगडावरील अपघातग्रस्त तरुणाला मिळाली तातडीने मदत
अलिबाग, ता. ५ (वार्ताहर) ः सरसगडावरून पाय घसरून पडलेल्या तरूणाला तातडीने वैद्यकीय मदत मिळण्यासाठी १०८ रुणवाहिकेने तत्परता दाखविल्याने या तरूणाचे प्राण वाचले आहेत. त्याबद्दल रुग्णांनी व त्याच्या मित्रांनी त्यांचे आभार मानले.
सरसगडावर शनिवारी (ता.२) सातारा येथील तरुण निखिल कदम (वय ३०) हा ट्रेकिंगला गेला असता, तो पाय घसरून पडला. यानंतर आपदा मित्र अमित निंबाळकर यांनी तातडीने मदत मिळण्यासाठी दुपारी ४.५३ वाजता १०८ क्रमांकाच्या रुग्णवाहिकेला संपर्क साधला. याबाबत माहिती मिळताच, जवळील पाली येथील १०८ नंबरची रुग्णवाहिका पाच मिनिटात पायथ्याशी पोहचले व प्रथोमपचारची बॅग घेऊन डॉक्टर व पायलट गड चढून त्या व्यक्तीजवळ पोहचले. प्रथमोपचार करून कोलाडची रेस्क्यू टीम व पालीतील आपदा मित्र यांच्या सहाय्याने रुग्णाला खाली आणण्यात आले. त्यानंतर तातडीने त्यांना प्राथमिक आरोग्य केंद्र पाली येथे प्राथमिक उपचार करून पुढील उपचारासाठी त्याच रुग्णवाहिकेने एमजीएम पनवेल येथे ॲडमिट करण्यात आले. या प्रसंगी वेळेत आपदा मित्र, रेस्क्यू टीम, १०८ रुग्णवाहिका, पोलिस प्रशासन यांनी तत्परतेने मोलाची भूमिका बजावत रुग्णाचे प्राण वाचले, त्याबद्दल रुग्णांनी व त्याच्या मित्रांनी त्यांचे आभार मानले.