मनोरुग्णाकडून घरांवर दगडफेक

सकाळ वृत्तसेवा
अलिबाग, ता. ६ : अलिबाग-रेवस मार्गावर वरसोली फाट्याजवळ एका मनोरुग्णाने केलेल्या दगडफेकीत काही वाहनांसह घरांचे नुकसान झाले आहे. अचानक झालेल्या या प्रकारामुळे काहीकाळासाठी परिसरात घबराटीचे वातावरण झाले होते.
अलिबागकडून रेवस बाजूला जाताना दुपारच्या वेळी चोंढी येथील पिंट्या गायकवाड मित्रमंडळाच्या कार्यकर्त्यांनी चोंढी पुलाजवळ त्या मनोरुग्णाला पकडून त्याला मांडवा सागरी पोलिसांच्या ताब्यात दिले. यावर मांडवा पोलिसांनी ताब्यात घेऊन पोलिस ठाण्यात नोंद करून त्वरित अधिक तपास केला. दगडफेक करणारा मनोरुग्ण असल्याचे पोलिसांनी सांगितले.
-----------------------
कर्जतच्या सुधारगृहात रवानगी
मांडवा पोलिसांनी मनोरुग्णाला कर्जतच्या सुधारगृहात पाठवले आहे. किहीम सरपंच पिंट्या गायकवाड यांनी विनामूल्य मदतीने रुग्णवाहिका उपलब्ध देताना त्या व्यक्तीला कर्जत येथे पाठवून दिले.