आमदार प्रशांत ठाकूर यांच्या वाढदिवसानिमित्त मान्सून क्रिकेट स्पर्धा संपन्न

प्रशांत ठाकूर यांच्या वाढदिवसानिमित्त मान्सून क्रिकेट स्पर्धा
खारघर, ता. ६ (बातमीदार) : आमदार प्रशांत ठाकूर यांच्या वाढदिवसाचे औचित्य साधून श्री सिद्धिविनायक मित्र मंडळाच्या वतीने आयोजित केलेल्या मान्सून क्रिकेट स्पर्धेला शालेय विद्यार्थ्यांचा उस्फुर्त प्रतिसाद मिळाला. माजी सभागृह नेते परेश ठाकूर यांनी या स्पर्धेचे कौतुक करून सहभागी झालेल्या विविध अकॅडमीमधील सर्व खेळाडू खेळाडूचे अभिनंदन केले.
खारघर परिसरात विविध अकॅडमीच्या माध्यमातून क्रिकेटचे प्रशिक्षण दिले जात आहे. शालेय जीवनात क्रिकेट खेळणाऱ्या विद्यार्थ्यांच्या कलागुणांना वाव देण्यासाठी श्री सिद्धिविनायक मित्र मंडळाचे अध्यक्ष गुरुनाथ ठाकूर आणि रायगड जिल्हा युवा मोर्चा कार्यकारिणी सदस्य फुलाजी ठाकूर यांनी १७ वर्षाखालील शालेय विद्यार्थ्यांसाठी क्रिकेट स्पर्धेचे आयोजन केले होते. या स्पर्धेत त्रिमुख क्रिकेट अकॅडमी ब्ल्यू प्रथम तर त्रिमुख क्रिकेट अकॅडमी रेड दुसरा क्रमांक प्राप्त केला. विजेत्या संघाना भाजपचे खारघर शहर मंडळ अध्यक्ष प्रवीण पाटील यांच्या हस्ते चषक आणि सहभागी खेळाडूचे मेडल देवून सन्मानित आले. गुरुनाथ ठाकूर आणि फुलाजी ठाकूर यांनी मान्सून क्रिकेट स्पर्धा आयोजित केल्यामुळे शालेय विद्यार्थाना क्रिकेट खेळाचा आनंद घेताना पाहून समाधान वाटल्याचे प्रवीण पाटील यांनी सांगितले.