मोबाईल फोनद्वारे सेक्स रॅकेट चालविणाऱया टोळीतील दलाल अटकेत,

वेश्या व्यवसायप्रकरणी एकाला अटक
नवी मुंबई, ता. ६ (वार्ताहर) : मोबाईलद्वारे ग्राहकांना मुलींचे फोटो दाखवून वेश्या व्यवसाय करणाऱ्या टोळीतील एकाला अनैतिक मानवी वाहतूक प्रतिबंधक कक्षाने अटक केली आहे. या प्रकरणात पोलिसांनी दोन पीडित महिलांची सुटका केली आहे.
मुंबई, नवी मुंबई परिसरामध्ये ऑनलाइन सेक्स रॅकेट चालवणारी टोळी सक्रिय असल्याची माहिती अनैतिक मानवी वाहतूक प्रतिबंधक कक्षाला मिळाली होती. या माहितीच्या आधारे वरिष्ठ पोलिस निरीक्षक पृथ्वीराज घोरपडे यांच्या मार्गदर्शनाखाली सोमवारी (ता. ४) रात्री बनावट ग्राहकाच्या माध्यमातून रॅकेट चालवणाऱ्या टोळीला संपर्क करण्यात आला होता. त्यांच्याकडे वेश्यागमनासाठी एका मुलीची मागणी करण्यात आली होती. त्यानुसार एपीएमसी सेक्टर १९ सीमधील एका हॉटेलजवळ राहुल महतो (३०) रात्री नऊच्या सुमारास टॅक्सीमधून दोन महिलांना वेश्यागमनासाठी घेऊन आला होता. त्यानंतर चार हजार रुपये स्वीकारल्यानंतर ठरल्याप्रमाणे इशारा केला; पण अनैतिक पोलिसांच्या पथकाने त्यापूर्वीच त्याला ताब्यात घेतले. या घटनेत कामेश आणि कुर्बान अन्सारी यांचाही सहभाग असल्याचे चौकशीतून समोर आले आहे. त्यानुसार पीटा कायद्यांतर्गत गुन्हा दाखल करण्यात आला आहे.