बेकायदा बांधकामांवर अधिकाऱ्यांचे नियंत्रण

बेकायदा बांधकामांवर
अधिकाऱ्यांचे नियंत्रण

एमएमआरडीएतर्फे विशेष नियोजन क्षेत्रात नियुक्ती

सकाळ वृत्तसेवा
मुंबई, ता. ६ : मुंबई महानगर प्रदेश विकास प्राधिकरणाच्या (एमएमआरडीए) विशेष नियोजन प्राधिकरण (एसपीए) असलेल्या क्षेत्रातील बेकायदा बांधकामांना आता चाप बसणार आहे. या बांधकामांवर कारवाई करण्यासाठी महाराष्ट्र प्रादेशिक व नगररचना अधिनियम, १९६६ मधील कलम ५३ अंतर्गत अधिकारी नेमण्यात आले आहेत. त्यांना कायदेशीर कारवाई करण्याचे अधिकार देण्यात आले आहेत.

विशेष नियोजन प्राधिकरण कार्यक्षेत्र
- अंबरनाथ, कुलगाव-बदलापूर व परिसर अधिसूचित क्षेत्र
- भिवंडी परिसर अधिसूचित क्षेत्र
- कल्याण ग्रोथ सेंटर
- वांद्रे-कुर्ला संकुल
- छत्रपती शिवाजी महाराज आंतरराष्ट्रीय विमानतळ अधिसूचित क्षेत्र
- ओशिवरा जिल्हा केंद्र
- वडाळा अधिसूचित क्षेत्र
- पालघर येथील विस्तारित एमएमआर क्षेत्र
- अलिबाग येथील विस्तारित एमएमआर क्षेत्र
----
येथे जिल्हाधिकाऱ्यांकडेच अधिकार
पालघर व अलिबाग येथील विस्तारित क्षेत्रांसाठी जोपर्यंत विकास आराखडे अंतिम होत नाहीत, तोपर्यंत विकास परवानग्या त्या त्या जिल्हाधिकाऱ्यांमार्फत दिल्या जातील. त्यामुळे या भागातील कारवाईची जबाबदारीही संबंधित जिल्हाधिकाऱ्यांकडेच राहणार आहे.
----
नियुक्त अधिकाऱ्यांची कामे
- बेकायदा बांधकामे निश्चित करणे
- एमआरटीपी कायद्यातील कलम ५२ ते ५६ नुसार कायदेशीर कारवाई सुरू करणे
- पारदर्शक आणि कायदेशीर कारभारासाठी निश्चित केलेली प्रमाणित कार्यपद्धती अमलात आणणे