खासदार संजय पाटील यांचा सहभाग

खासदार संजय पाटील यांचा सहभाग
मुलुंड (बातमीदार) ः राज्यातील स्थानिक स्वराज्य संस्थांच्या निवडणुकीच्या पार्श्वभूमीवर राज्याच्या राजकारणाला नवसंजीवनी मिळाल्याचे चित्र आहे. याच पार्श्वभूमीवर शिवसेना (उद्धव बाळा ठाकरे) पक्षप्रमुख उद्धव ठाकरे आणि आमदार आदित्य ठाकरे दिल्लीच्या दौऱ्यावर आहेत. इंडिया आघाडीच्या ७ ऑगस्टला होणाऱ्या निर्णायक बैठकीत ते सहभागी होणार आहेत. या बैठकीसाठी ईशान्य मुंबईचे खासदार संजय पाटील हेदेखील राजधानीत दाखल झाले आहेत. संजय पाटील यांनी उद्धव आणि आदित्य ठाकरे यांचे दिल्लीत स्वागत केले. या भेटीदरम्यान आघाडीच्या एकत्रित तयारीसह स्थानिक निवडणुकांची रणनीती यावरही प्राथमिक चर्चा झाल्याचे समजते.