पेण शहरात पोलिसांचे संचलन

पेण, ता. ७ (वार्ताहर) : विविध सण, उत्सव असल्याने शहरातील कायदा-सुव्यवस्था बिघडू नये, तसेच नागरिकांनी उत्साह आणि आनंदाने सण साजरे करावेत, याकरिता पेण पोलिसांनी शहरात संचलन केले.
शहरातील महावीर मार्ग, पोटे मार्ग, बाजारपेठ, पेण-खोपोली रोड, नगरपालिका नाका, डॉ. बाबासाहेब आंबेडकर चौक, छत्रपती शिवाजी चौक, चावडी नाका अशा संपूर्ण बाजारपेठेत पोलिसांनी संचलन केले. या वेळी पोलिस उपअधीक्षक जालिंदर नारकुल, पोलिस निरीक्षक संदीप बागुल, यांसह इतर सहाय्यक पोलिस अधिकारी, पोलिस अंमलदार, महिला पोलिस कर्मचारी आदी उपस्थित होते.
---------------------------------
...अन्यथा कारवाई
पेण तालुक्यात विविध सण, उत्सव साजरे होत असताना नागरिकांनी आनंदाने आणि उत्साहाने तसेच शांततेत साजरे करावेत. कोणीही कायदा हातात घेऊ नये, अन्यथा कारवाईला सामोरे जावे लागेल. त्यामुळे कायदा-सुव्यवस्था राखूनच सर्वांनी सण साजरे करावेत, असे आवाहन पेण पोलिस ठाण्याचे पोलिस निरीक्षक संदीप बागुल यांनी केले.