युवक महोत्सवात ओंदे महाविद्यालयाचे घवघवीत यश

युवक महोत्सवात ओंदे महाविद्यालयाचे घवघवीत यश
विक्रमगड, ता. ७ (बातमीदार) ः जीवनदीप महाविद्यालय गोविली, कल्याण येथे मुंबई विद्यापीठाने आयोजित केलेल्या ५८ व्या युवक महोत्सवात ओंदे महाविद्यालयातील विद्यार्थ्यांनी विविध कलाप्रकारात सहभाग घेतला होता. यात वक्तृत्व स्पर्धा, वादविवाद स्पर्धा, रांगोळी स्पर्धा, मेहंदी स्पर्धा, नृत्य स्पर्धा, गीत गायन स्पर्धा अशा स्पर्धांचा समावेश होता. यात महाविद्यालयातील जान्हवी सुरेश कनोजा (प्रथम वर्ष कला) या विद्यार्थिनीने मेहंदी प्रकारात ठाणे व पालघर जिल्ह्यातील एकूण १५ महाविद्यालयातील विद्यार्थ्यांमध्ये प्रथम क्रमांक पटकावला. तिची निवड विद्यापीठ स्तरावर होणाऱ्या स्पर्धेसाठी झाली आहे. तिच्या या यशाबद्दल संस्थेचे अध्यक्ष मिलिंद पाटील यांनी विशेष कौतुक केले. प्राचार्य सी. एस. गायकवाड यांनीही या विद्यार्थिनीला प्रोत्साहन दिले. सांस्कृतिक विभाग प्रमुख प्राध्यापक दिनेश नहिरे व सांस्कृतिक विभागाचे सदस्य प्रा. अनिल पठाडे व प्रा. रोहिणी बोरसे यांचेही मार्गदर्शन जान्हवीला लाभले.