वेगवेगळ्या अपघातात दोघांचा मृत्यू

वेगवेगळ्या अपघातांत दोघांचा मृत्यू
पनवेल, ता. ७ (वार्ताहर) : पनवेलमधील कळसखंड, कळंबोली येथे दोन वेगवेगळ्या अपघातांत दोघा दुचाकीस्वारांचा मृत्यू झाला आहे. एका अपघातातील टेम्पोचालक अपघातानंतर पळून गेला असून त्याचा शोध सुरू आहे.
पनवेल तालुक्यातील आरिवली गावातील वसंत लबडे (४७) बुधवारी सकाळी रसायनी रोडवरून कामानिमित्त जात होते. कसळखंड त्यांना टेम्पोने धडक दिली. या अपघातात लबडे यांचा मृत्यू झाला. याप्रकरणी पनवेल तालुका पोलिस ठाण्यात गुन्हा दाखल आहे. तर दुसऱ्या घटनेत कळंबोली येथे अनिकेत जाधव या तरुणाचा ट्रेलरच्या चाकाखाली आल्याने मृत्यू झाला. पनवेल-मुंब्रा महामार्गालगतच्या सेवा रस्त्यावर बीमा कॉम्प्लेक्स येथे पाठीमागून आलेल्या ट्रेलरने त्याच्या स्कूटीला धडक दिली. या अपघातानंतर ट्रेलरचालक शिवप्रकाश वर्मा (२३) याला गुन्हा दाखल करून कळंबोली पोलिसांनी ताब्यात घेतले आहे.