पगारवाढ करण्यात ‘श्रमिक उत्कर्ष’ला यश

पगारवाढ करण्यात ‘श्रमिक उत्कर्ष’ला यश

मुंबई, ता.  ७ ः गिरगाव येथील ए. डी. अडाजानिया पेट्रोल पंपावरील कामगारांना आगामी तीन वर्षांसाठी दरमहा साडेसहा हजार रुपयांची भरघोस पगारवाढ देण्याचा ऐतिहासिक निर्णय घेण्यात आला आहे. आमदार प्रसाद लाड यांच्या अध्यक्षतेखाली श्रमिक उत्कर्ष सभेने या यासंदर्भात निर्णायक पुढाकार घेतला होता. कामगारांना योग्य वेतन मिळावे या दृष्टिकोनातून संघटनेच्या वतीने व्यवस्थापनाशी सलग चर्चा करून हा सकारात्मक निर्णय घडवून आणण्यात आला आहे. पेट्रोल पंपावरील कामगारांच्या हितासाठी पगारवाढीचा निर्णय महत्त्वाचा ठरल्याचे युनियनने म्हटले आहे. या निर्णयामुळे कामगारांमध्ये समाधानाची भावना असून, सर्व कामगारांनी आमदार लाड व श्रमिक उत्कर्ष सभेचे आभार मानले आहेत.