पोलिसांच्या मदतीला ‘न्याय सारथी’

अलिबाग, ता. ९ (वार्ताहर)ः पोलिस दलात आधुनिकीकरणाचा वापर करून कामकाजातील अतिरिक्त ताण कमी केला जाणार आहे. यासाठी पोलिसांच्या कार्यक्षमतेमध्ये वाढ करण्याकरिता जिल्हा पोलिस दलातर्फे ‘न्याय सारथी’ हा उपकम सुरू करण्यात येणार आहे. जिल्ह्यातील पोलिस ठाण्यात प्रायोगिक तत्त्वावर ही प्रणाली सुरू करण्यात आली आहे.
नागरिकांना त्यांच्या तक्रारी स्वतंत्रपणे मांडण्याकरिता कृत्रिम बुद्धिमत्तेचा वापर करण्यासाठी उपक्रमामध्ये मार्गदर्शन केले जाणार आहे. त्याकरिता पोलिसांसमोर नागरिक त्यांची तक्रार करताना आवश्यक असणारे प्रश्न एआय टुल्समध्ये समाविष्ट करण्यात आलेले आहेत. तक्रारदारासह घडलेल्या घटनेसाठी कोण-कोणती माहिती आवश्यक आहे. त्याकरिता लागणारे अधिनियम/कलमे, पुरावे याबाबत सर्व माहिती या ॲप्लिकेशनमध्ये नमूद केली असल्याने दाखल तक्रारींवर तत्काळ कारवाई करण्याकरिता उपयोग होणार आहे.
----------------------------------------
प्रात्यक्षिके सुरू
जिल्ह्यातील सर्व पोलिस ठाण्यांसह जिल्हा पोलिस अधीक्षक कार्यालयातील शाखांमध्ये ही प्रणाली आहे. जिल्हा पोलिस दलाच्या आस्थापनेवर ही प्रणाली कार्यान्वित असते. यासाठी ‘सिंप्लेर टूडे’ संस्थेमार्फत सर्व पोलिस ठाण्यात प्रणालीचे कामकाज, त्याचा वापर कसा करावा, याबाबतची प्रात्यक्षिके सुरू आहेत.
------------------------
उत्तम सेवा प्रदान देण्यासोबत पोलिसांवरील अतिरिक्त ताण कमी करून कार्यक्षमता वाढविण्यात येणार आहे. आधुनिकीकरणाबरोबर न्याय सारथी प्रणालीव्दारे कृत्रिम बुद्धिमत्तेचा वापर सुरू करण्यात आला आहे. सध्या त्याचे प्रशिक्षण देण्याचे काम सुरू आहे.
- आंचल दलाल, जिल्हा पोलिस अधीक्षक