आर्यन मोडखरकरची जलतरणात चमक

आर्यन मोडखरकरची जलतरणात चमक
पागोटे गावातील स्पर्धेत अव्वल कामगिरी
उरण, ता. १० (वार्ताहर)ः पागोटे गावातील जलतरण स्पर्धेमध्ये आर्यन मोडखरकरने चमकदार कामगिरी केली आहे. या स्पर्धेत उरण तालुक्यातील खेळाडू सहभागी झाले. या वेळी ‘इंडिया बुक ऑफ रेकॉर्ड’मध्ये नाव नोंदवलेल्या जलतरणपटूंचा सत्कार करण्यात आला.
उरण तालुक्यातील पागोटे गावात कुणाल पाटील युवा सामाजिक संस्थेच्या वतीने शुक्रवारी जलतरण स्पर्धा घेण्यात आली. आगरी, कोळींच्या मानाचा सण नारळी पौर्णिमेचे औचित्य साधताना पागोटे, कुंडेगाव, फुंडे हायस्कूल, जेएनपीए हायस्कूल आणि उरण तालुका खुला गटासाठी या स्पर्धा घेण्यात आल्या. या स्पर्धेसाठी माजी आमदार मनोहर भोईर, महाराष्ट्र राज्य राष्ट्रवादी काँग्रेस उपाध्यक्ष भावना घाणेकर, शिवसेना शिंदे गट उपाध्यक्ष रामदास शेवाळे यांच्यासह विविध मान्यवर उपस्थित होते. स्पर्धेच्या माध्यमातून तालुकाभरातून नागरिक गावात आले होते. आपल्या गावाची ओळख सर्वांना व्हावी, हा यामागचा हेतू होता. या कार्यक्रमात रुद्राक्षी टेमकर, मयंक म्हात्रे या युवा जलतरणपटूंचा सन्मान करण्यात आला.
---------------------------------
दहीहंडी पथकांची प्रात्यक्षिके
स्पर्धेत आर्यन मोडखरकरने अव्वल स्थान प्राप्त केले, तर जयदीप सिंग, वेदांत पाटील, तेजस शिंदे यांनी अनुक्रमे दुसरा, तिसरा आणि चौथा क्रमांक पटकावला आहे, तर स्पर्धा अधिक रंजक होण्यासाठी नृत्यकला आविष्कार सादर करण्यात आले. तसेच दहीहंडी पथकांनी मानवी मनोरे रचून थरारक प्रात्यक्षिके सादर केली.