ऑगस्ट क्रांती दिनी केडीएमसीतर्फे हुतात्मा स्मारकास पुष्पचक्र अर्पण करुन अभिवादन

ऑगस्ट क्रांतिदिनी केडीएमसीतर्फे हुतात्मा स्मारकास पुष्पचक्र अर्पण करून अभिवादन
कल्याण, ता. १० (वार्ताहर) : ऑगस्ट क्रांतिदिनानिमित्त कल्याण-डोंबिवली महापालिकेतर्फे मुख्यालयाच्या प्रांगणात हुतात्मा स्मारकास शनिवारी (ता. ९) पुष्पचक्र अर्पण करून अभिवादन करण्यात आले. या वेळी सहाय्यक सुरक्षा अधिकारी सुरेश पवार यांनी उपस्थितांना ऑगस्ट क्रांतिदिनाची माहिती विशद केली. महापालिकेचे अतिरिक्त आयुक्त हर्षल गायकवाड यांनी हुतात्मा स्मारकास पुष्पचक्र अर्पण करून अभिवादन केले. या वेळी महापालिका सचिव किशोर शेळके, माहिती व जनसंपर्क विभागाचे उपायुक्त संजय जाधव, कार्यकारी अभियंता अशोक घोडे, लेखा अधिकारी राजू दराडे, माहिती व जनसंपर्क अधिकारी माधवी पोफळे आदी उपस्थित होते. महापालिकेचे सुरक्षा रक्षक व एम. एस. एफ चे जवान यांनी हुतात्मा स्मारकास सलामी दिली.