डोंबिवली राष्ट्रवादी काँग्रेसच्या सराव दहीहंडी महोत्सवला प्रचंड प्रतिसाद

डोंबिवली राष्ट्रवादी काँग्रेसच्या सराव दहीहंडी महोत्सवाला प्रचंड प्रतिसाद
सकाळ वृत्तसेवा
डोंबिवली, ता. १० ः नारळी पौर्णिमेचे औचित्य साधून गावदेवी-नवागाव, देवीचा पाडा, राहुलनगर येथे राष्ट्रवादी काँग्रेस पक्ष व राहुल नगर मित्रमंडळाच्या वतीने सराव दहीहंडी महोत्सवाचे आयोजन करण्यात आले होते. या महोत्सवाला गोविंदा पथकांनी मोठा प्रतिसाद दिला. सुमारे ६५ गोविंदा पथके या महोत्सवात सहभागी झाली होती. आयरे येथील गोविंदा पथकाने रचलेले दहीहंडीचे चक्री थर कार्यक्रमाचे विशेष आकर्षण ठरले.
माजी आमदार, जिल्हाध्यक्ष जगन्नाथ शिंदे यांच्यामार्फत सर्व गोविंदा पथकांना सन्मानचिन्ह देऊन प्रथमोपचार किटचे वाटप करण्यात आले. या वेळी सराव हंडी फोडायचा प्रथम मान वेताळबाबा गोविंदा पथकाने पटकावत मानाची हंडी फोडली. तर दुसरा मान शिवतेज गोविंदा पथकाने पटकावत उंच थर लावत मानाची हंडी फोडली.