धरमतर खाडीत मृतदेह सापडला

अलिबाग : धरमतर खाडीत शुक्रवारी सायंकाळी बुडालेल्या गोरखनाथ पाटील यांचा मृतदेह रविवारी सकाळी जेट्टीच्या जवळ सापडला. शनिवारी हेल्प फाउंडेशनच्या टीमने दिवसभर शोधमोहीम राबवली होती, मात्र मृतदेह सापडला नव्हता. अखेर सकाळी पुन्हा मोहीम सुरू करण्याची तयारी सुरू असताना मृतदेह सापडल्याची माहिती मिळाली. शनिवारपासून ग्रामस्थ, पोलिस यंत्रणा तसेच सागर दहीआंबेकर यांच्या टीममधील सदस्यांनी शोधकार्य केले होते. अखेर पोयनाड येथील जेट्टीजवळ मृतदेह सापडल्याची माहिती राज पाटील यांनी दिली.