विक्रमगड महाविद्यालयात आदिवासी दिन साजरा

विक्रमगड, ता. १० (बातमीदार) : विक्रमगड हायस्कूल व कनिष्ठ महाविद्यालयामध्ये ऑगस्ट क्रांती दिन, जागतिक आदिवासी दिन दोन्ही साजरे करण्यात आले. यानिमित्ताने बिरसा मुंडा यांच्या प्रतिमेचे पूजन कार्यक्रमाचे अध्यक्षा आणि मुख्याध्यापिका वागळे, सर्व सहकारी शिक्षक वृंद यांच्या हस्ते करण्यात आले. बडगुजर यांनी मुलांना संबोधित करत, स्वातंत्र्यसंग्रामातील सेनानी आणि त्यांचे लढे यावर वक्तृत्व सादर केले. या कार्यक्रमाचे नियोजन सांस्कृतिक समितीने मुख्याध्यापकांच्या मार्गदर्शनाने केले. या कार्यक्रमात दोन्ही सत्रातील सर्व शिक्षक व शिक्षकेतर कर्मचारी यांनी सहभाग घेतला.